Seguen a subir as cifras do coronavirus en Valdeorras, impulsadas especialmente polos positivos no Barco. Así, a comarca rexistra neste 23 de decembro un total de 282 positivos por coronavirus (30 máis que onte), segundo os datos do Sergas actualizadas ás 18h. de onte.
Aínda que son tres os municipios que rexistran incrementos, sobresae o do Barco cun total de 144 positivos (28 máis que o onte). Ademais Carballeda de Valdeorras rexistra 5 casos activos, 1 máis que o onte, e Larouco con 13 casos (3 máis que onte)
Os concellos que presentan diminución de contaxios son A Rúa con 75 positivos, 1 menos que onte; e Vilamartín con 17, 1 menos que onte.
Por outra banda, os casos activos mantéñense no Bolo con 12 positivos, en Petín con 7 positivos, en Rubiá con 3 positivos e na Veiga con 6 positivos.
En canto aos ingresos por Covid, o Hospital Público de Valdeorras continúa, unha xornada máis, libre de coronavirus.
