A situación non acaba de estabilizarse e tralo descenso de onte, os casos activos de coronavirus en Valdeorras volven repuntar lixeiramente na xornada deste venres 18 de marzo. A comarca rexistra un total de 124 positivos (datos actualizados ás 18h. de onte), o que supón 4 máis que onte, segundo os datos feitos públicos hoxe pola Consellería de Sanidade.
Os casos soben no Barco, cun total de 51 positivos (3 máis que onte), no Bolo con 6 casos activos (2 máis que onte), en Petín con 6 (1 máis que onte) e na Veiga que volve contar con 1 (onte quedara libre de Covid). Por contra, os contaxios baixan na Rúa que ten 34 (3 menos que onte).
No resto dos concellos mantéñense os datos. Carballeda ten 8 positivos, Larouco segue sen casos activos, Rubiá ten 7 e Vilamartín 11, os mesmos números que onte.
En canto aos ingresos por Covid no Hospital Público de Valdeorras, o centro conta con 4 ingresos en planta, 1 menos que onte.
