Camisetas negras co lema “Valdeorras en negro” exhibiranse do 21 ao 27 de novembro no comercio, locais de restauración e administracións públicas e docentes da comarca e no persoal sanitario. É unha das accións que se promoverá nesta zona ourensá con motivo do Día Internacional contra a Violencia de Xénero, o 25 de novembro. A iniciativa está impulsada dende os concellos do Barco, A Rúa, Petín e Vilamartín e nela colaboran entidades empresariais como O Barco Centro Comercial Aberto (CCA).
Outro dos actos será, o 24 de novembro ás 20h. e o 27 de novembro ás 19h., a proxección da película “Freeheld”, en colaboración co Cine Club Groucho Marx.
Ademais o propio 25 de novembro ás 12h. terá lugar en cada unha das prazas dos concellos participantes unha concentración, con lectura dun manifesto en conmemoración da data internacional para a erradicación da violencia contra as mulleres.
