Hai uns días os veciños da zona vella do Barco atopábanse cun cartel de “prohibido cans”, ante o cal algúns propietarios destes animais se sinten “discriminados”. Recoñecen que hai xente que non recolle os excrementos dos seus animais “pero os que si o facemos sempre pagamos o pato”, din.
De feito lembran que na zona hai moitos gatos que “aos que a xente leva comida e fan as súas necesidades por todas partes que ninguén recolle pero a prohibicón é para os cans e non é xusto”. Aseguran que non teñen nada en contra dos gatos, nin moito menos, pero que dende o Concello deberían buscar unha solución e sobre todo manter a zona limpa de excrementos.
