Ao longo desta xornada de 29 de novembro un total de 41 comercios da comarca de Valdeorras están a participar na campaña “Venres negro”, que se promove por quinto ano consecutivo de forma conxunta por parte do Centro Comercial Aberto (CCA) do Barco e da Asociación Empresarial de Valdeorras (AEVA).
Esta iniciativa levarase a cabo neste venres en establecementos dos concellos do Barco e da Rúa. Os comercios participantes ampliarán o seu horario ata as 22h. e ofrecerán descontos do 20% en mercadoría de tempada.
Con esta campaña búscase “dinamizar o comercio de proximidade, promocionando as vendas e incentivando as compras de cara ao Nadal”, segundo as asociacións organizadoras.
Fotos: A.R.
