Con moitas e diversas actividades celebrará Viana do Bolo a “Semana do Libro”. Os seus actos comezarán o mercores 24, co espectáculo “Contos para un mundo mellor” de Mamá Cabra e Diego Maceiras ás 18h. na Casa da Cultura. Así se anunciaba no acto de presentación do seu programa na mañá do 22 de abril no Concello, coa presenza do alcalde vianés, Secundino Fernández, da concelleira de Cultura, Graciela Diéguez, e da artista vianesa Nieves Fernández.
Entres as propostas da “Semana do Libro” tamén figuran a IV Feira do libro e libro de ocasión na praza Maior de Viana así como a peza “Catro Monos”, que se representará na mesma praza ás 18:30h. Vén da man da Tropa de Trapo en colaboración co Fundo Galego de Cooperación e Solariedade. Finalmente, ese mesmo día pero ás 20h. a artista Nieves Vidueira presentará o seu primeiro libro, “Retrincos do Meu Ser”, no salón de actos do Concello.