Petín vive esta fin de semana unha nova edición da súa Feira de 1812, coa que conmemora dende hai case dúas décadas, a Constitución de Cádiz e a expulsión das tropas napoleónicas da comarca. Abría as portas na mañá deste sábado 8 de xuño e pecharáas mañá pola noite.
E entre medias, unha trintena de postos ao longo das empedradas rúas do casco vello da localidade e actividades complementarias como teatro de rúa co actor Gabriel Fabersani e a gran novidade deste ano, o exitoso concerto que o grupo de cámara Minuetto daba esta tarde na igrexa parroquial de Petín.
Mañá será a quenda da agrupación de música tradicional Abertal, da Rúa, que fará un pasarrúas pola feira a partir das 19:30 horas.
Fotos: Carlos G. Hervella.
