A procesión co patrón da vila celebrouse na mañá do 23 de abril
Trala primeira xornada de festas co pregón, o concerto de corais e a actuación da orquestra Costa Dorada, chegaba o día grande das Festas de San Jorge en Vilamartín de Valdeorras, o 23 de abril. E neste día, adicado ao patrón do pobo, un dos actos centrais no programa era precisamente a procesión e posterior eucaristía.
Pasadas as doce do mediodía, a comitiva encabezada pola imaxe da Virxe e de San Jorge, percorría as rúas centrais de Vilamartín para rematar na celebración da eucaristía na igrexa parroquial.
A xornada festiva contou asemade con sesión vermú, teatro da man da agrupación local Xaime Prada, e baile e verbena a cargo do grupo Cañón de León.
Fotos: Carlos G. Hervella
