Logo de tres anos sen celebrarse, a Gala contra o Cancro de Ourense volve este ano coa oitava edición. Tras sete anos enchendo o auditorio municipal, esta cita solidaria reuniu a referentes do mundo da música, a danza, o humor e a interpretación. Artistas como Rubén Riós (presentador e director artístico das anteriores edicións), Susana Seivane, Lucía Pérez, Emilio Rúa, Daniel Minimalia, Luís Emilio Batallán, Rosa Cedrón, Guadi Galego, Xosé Manuel Budiño, Lys Pardo, Monoulious DOP, Xabier Vizcaíno, Xestreu, Andrea Pousa, Davide Salvado e O Sonoro Maxín entre moitos outros
Este ano, a celebración terá lugar o venres 15 de decembro no Auditorio Municipal da cidade e as entradas xa están á venda na Asociación Española contra o cancro de Ourense (Rúa Doutor Marañón, 21, baixo, Ourense) cun custe de 8 € anticipada e de 10 € na billeteira.
Este evento está organizado pola Asociación Xuvenil Cultural As Canellas e coa produción de Abella Creativa a favor da Asociación Española contra o Cancro.