A Asociación Sabugueiro da Rúa Vella ten xa todo listo para a XXII Festa da Empanada de Costrelas, que se celebrará o sábado 28 de decembro a partires das dúas da tarde.
A esa hora, a carpa climatizada ubicada no campo de San Roque, abrirá as portas para acoller aos comensais que poderán degustar un menú a base de sopas de allo, empanada de costelas e torta de roxóns, á parte de viño, café e licores.
As entradas custarán 21 euros e xa están á venda ata o día 26 en Bar San Roque, Escondite Inglés, O Colmado e Peluquería Esencia.
A fin de festa correrá de novo por conta de disco show Danzalia con baile “ata que o corpo aguante”.
