Os compañeiros dos profesores Domingo Rodríguez e Mirita Moreta no IES Martaguisela do Barco organizábanlles no mediodía do 2 de setembro un xantar de despedida con motivo da súa xubilación como docentes neste centro, onde impartían as materias de Matemáticas e de Xeografía e Historia, respectivamente.
Unhas 30 persoas asistían a este xantar, entre elas había profesores e directivos actuais do centro, pero tamén outros que pasaron anteriormente por este instituto. No decurso do xantar, que tiña lugar no Complexo Hostaleiro Paladium de Vilamartín, non faltaron os agasallos e as sorpresas.
Fotos cedidas.
