O Concello de Ourense porá en marcha durante o mes de agosto a campaña “Móllate co Comercio”, un proxecto adicado á dinamización do pequeno comercio de proximidade a través de actividades para os máis pequenos. Todos os martes e xoves de agosto, pola tarde, haberá inchables e xogos acuáticos repartidos por diferentes barrios da cidade de Ourense e con resgardos de compras superiores aos 5 euros.
Segundo indicou a concelleira de Comercia, María del Mar F. Dibuja: “O pequeno comercio precisa da nosa axuda, os nenos foron os máis afectados durante a pandemia, e vivimos nunha cidade moi calorosa”. Dibuja tamén quixo animar á participación a todas as asociacións de comercio da cidade.
Os emprazamentos escollidos son: o Parque de Barbaña (4 de agosto), o Xardín do Posío (6 de agosto), o Centro Cívico A Ponte (11 de agosto), a zona do Mercadona en A Farixa (13 de agosto), o Parque de Santa Teresita (18 de agosto), o Campus Universitario das Lagoas (20 de agosto), o Parque de Barrocás (25 de agosto) e o Pabellón Os Remedios (27 de agosto). As medidas de seguridade derivadas da crise sanitaria obrigarán a crear contornas seguras e dividir aos participantes en grupos de 15 rapaces como máximo. Os menores de 14 anos deberán acudir acompañados dun adulto.
