Un grupo de 56 veciños e a Asociación de Xubilados veñen de participar nunha xornada cultural antes de finalizar o Ano Xacobeo. Realizaban unha viaxe a Santiago no decurso da cal tiñan, como primeira parada, o Museo do Pobo Galego no antigo Convento de Santo Domingo de Bonaval.
Tamén visitaban a Catedral de Santiago, co “privilexio de contar cunha visita guiada polo deán da Catedral José Fernández Lago, que nos acchegou á historia a través das capelas, da Porta Santa ou Girola, para ver a evolución deste Monumento, e que culminou coa Misa do Peregrino”, tal e como resalta a alcaldesa de Castro Caldelas, Sara Inés Vega.
“E, por suposto”, engade, “a bica manteigada de Castro Caldelas estivo presente como ofrenda na Catedral e para deixar o pracer agarimoso na lembranza”.
Fotos cedidas.
