Cunha vitoria e dúas derrotas remataba o CD Trives a competición por este ano. Na fin de semana do 16 e 17 de decembro, xogaban en casa os benxamíns e o equipo sénior. O benxamíns de fútbol sala eran os que lograban o mellor resultado para club trivés, vencendo con contundencia (6-2) ao Xuventude de Ourense no pavillón municipal de Trives.
O equipo sénior de fútbol, que adestra Adilson, xogaba no campo do Agro sen tanta sorte, perdendo pola mínima (0-1) ante o Piñeira Seca que marcaba ao inicio da segunda parte.
O terceiro equipo en competición este ano, o alevín de fútbol sala, xogaba fóra perdendo 3-2 na cancha do Blanco Amor.
Fotos cedidas.
