Sensibilizar aos propios traballadores do sector da lousa da importancia da prevención inicial fronte ao risco de silicose, coñecendo as súas causas e os xeitos de protexerse ante o primeiro impacto usando os EPIs (Equipos de Protección Individual). Este era o obxectivo da “Xornada Nacional de Sensibilización sobre a Silicose” que organizaba na mañá do 19 de outubro a Federación de Construción e Madeira da CIG (FCM) no edificio multiusos do Barco de Valdeorras.
Nela interviñan facultativos especializados nesta materia como é o caso de Manuel Gil Fernández, especialista en Medicina do Traballo e ex xefe do equipo técnico de Medicina laboral do centro ISSGA de Pontevedra, e o neumólogo José Jesús Blanco Pérez do servizo de Neumoloxía do Hospital Álvaro Cunqueiro de Vigo.
Pola parte sindical participaban o secretario nacional da Federación de Construción e Madeira da CIG, Plácido Valencia e o secretario comarcal de Ourense Anxo Pérez Carballo.
Fotos: A.R.