Quedan pouco máis de dúas semanas para o I Festival da Comedia, un espectáculo de humor e música que se celebrará o sábado 30 de xullo no polideportivo municipal de Manzaneda vila coa presenza de tres artistas de primeiro nivel: Dani Fontecha o Sr. Rogelio de El Hormiguero; Duarte Galbán da TVG; e Xosé Touriñán. O apartado musical correrá a cargo de El Pacto Rock Band, músicos profesionais como Javier Alzola saxofonista da banda Fito Fitopaldis.
O programa comezará en torno ás 12:30 horas coa apertura de portas e posterior actuación de Airiños da Porta Falsa. Ás 14 horas haberá un gran xantar popular, con menú adulto e infantil; e xa pola tarde, en torno ás 18 horas actuarán os monologuistas, rematando o evento coa actuación de El Pacto Rock Band e, xa de madrugada, de DJ Cabra.
O festival desenvolverase no entorno escolar, quedando reservado o interior do polideportivo municipal para o xantar mentres que as actuacións serán ao aire libre. E con respecto aos artistas convidados, aínda que todos están nun momento álxido da súa carreira (Dani Fonseca no programa de Pablo Motos en Antena 3 e Duarte Galbán na TVG onde ademais de humorista é creador e presentador), sen dúbida un dos nomes clave da comedia en Galicia é Xosé Touriñán, que está máis de moda que nunca.
Como actor ten participado en series como Fariña en Antena 3, Pequeñas Coincidendias en Amazon Prime Vídeo ou El Desorden que dejas, ademais de Cuñados, entre e outros moitos títulos. E xa como presentador, en 2021 conducía o programa de La 2, Rutas Bizarras xunto a Marta Hazas.
O propio Touriñan convida, a través deste vídeo, asistir ao Manzaneda Comedy, o 30 de xullo en Manzaneda vila.
https://youtube.com/shorts/aZNtQFAPmjE?feature=share
