Un ano máis, uns días antes do inicio da tempada de pesca, o club Spinning Valdeorras organiza unha recollida de plásticos en colaboración co Concello de Vilamartín de Valdeorras. Será o domingo día 10 de marzo dende as 9 horas no pavillón de Vilamartín de Valdeorras e nesta ocasión centraranse no Encoro de Santiago, río Leira.
Dende a entidade deportiva fan un chamamento para esta xuntanza veciñal “por un futuro sostible”.
