A ritmo de zumba porase en marcha o programa da V Noite Branca do Centro Comercial Aberto (CCA) o vindeiro 22 de xuño. A partires das 21:30h. poderá desfrutarse na praza Andrés de Prada a unha exhibición deste baile da man dos nenos e adultos que asisten a esta actividade nas escolas deportivas municipais do Barco.
Esta será a segunda ocasión consecutiva na que o programa da “Noite Branca”, na que os establecementos do CCA se vestirán de festa e ofrecerán descontos, comece con zumba tras o éxito do pasado ano.
