A primeira edición do memorial celebrarase o sábado 10 de novembro no pavillón de Calabagueiros
En setembro fixo un ano do falecemento de José Luis Puente Murias, moito máis que un mestre e adestrador, todo un referente no mundo do karate. Unha perda que todo Valdeorras chorou e que este sábado 10 de novembro lembrará con cariño.
Será no 1º Memorial José Puente, o campionato de karate do Barco de Valdeorras que se celebrará a partires das 16:30h. no pavillón de Calabagueiros. Organizada polo Club River Stone en colaboración co Concello, á cita acudirán deportistas das categorías benxamín, alevín, infantil, xuvenil e cadete.