Esta celebración, que cada ano congrega a milleiros de persoas, terá lugar o vindeiro 3 de agosto
Primeiro desvelábase a imaxe promocional da súa 23ª edición, obra do fotógrafo rues Álvaro Rodríguez, e agora vén de anunciarse que, por vez primeira, as entradas da Festa das Covas de Vilamartín de Valdeorras poderán mercarse de xeito anticipado.
De feito, xa están á venda a un prezo de 12 euros no seguinte enlace:
Esta multitudinaria celebración que fusiona a tradición ancestral das covas vilamartinesas co viño, cos petiscos e coa festa, está programada para o vindeiro 3 de agosto a partir das 20:30h.