Paradellas (Parada de Sil) recibirá corenta mil euros para a mellora dun camiño

O pobo de Paradellas, en Parada de Sil, recibirá 40.000 euros para a mellora dun camiño, obra que os seus veciños levan demandando dende hai tempo. Así, Aquilino Domínguez, alcalde do concello de Parada de Sil, anunciou hoxe, 27 de xullo a concesión da obra á empresa Servicios Medioambientales del Miño.

Esta obra está dentro do Plan de mellora de camiños municipais 2019-20. O seu obxectivo é o de mellorar o camiño e con elo as condicións de vida e traballo dos veciños. As rúas interiores do pobo son moi estreitas, e en moitos casos, o acceso de motobombas e da maquinaria agrícola e imposible. Isto tradúcese nun grave risco para o pobo e o novo acceso eliminará o problema permitindo acceder cos medios adecuados.