Novo repunte nos ingresos de coronavirus no Hospital de Valdeorras. Segundo os últimos datos comunicados pola Consellería de Sanidade (actualizados ás 18h. do 29 de outubro), son 9 os pacientes con Covid-19 hospitalizados en planta no centro barquense, un máis que onte.
En cambio, nos outros dous hospitais públicos da provincia baixan os ingresos. O Hospital de Verín ten 6 pacientes en planta (un menos que onte por un falecemento) e o Hospital Universitario de Ourense 56 en planta (10 menos que onte) e 17 na Unidade de Coidados Intensivos (1 máis que onte).
Unha xornada máis, na provincia de Ourense mantense un leve descenso de casos activos de coronavirus. Así, segundo a última actualización de Sanidade, a Área Sanitaria de Ourense, Verín e O Barco ten 1.394 casos activos, 13 menos que onte. Deles, 71 están hospitalizados en planta e 19 en UCI. Tamén baixan os datos de novos casos confirmados por PCR nas últimas 24 horas, un total de 54 (fronte aos 59 de onte).
O total de casos rexistrados na provincia ascende a 6.313, con 4.686 curados e 233 falecidos. Polo de agora lévanse realizado 91.537 probas PCR.
