Durante un cribado de Covid-19 mediante probas de saliva que se lle realizaba o pasado 5 de novembro ao persoal da Residencia da terceira idade de Manzaneda, unha traballadora da mesma daba positivo. A persoa afectada non reside neste concello nin vén a traballar dende finais de outubro por outras causas, e o resto de persoal resultou todo negativo”, tal e como informaba no seu momento o Concello de Manzaneda.
Ante isto, o luns 9 de novembro procedíase a realizar un novo cribado ao persoal e aos usuarios. Os resultados dábaos a coñecer esta tarde o Concello de Manzaneda, indicando que “os resultados de todos os test son negativos”.
Dende o Concello de Manzaneda agrédecese “o traballo do persoal do centro e a colaboración de usuarios e familiares”, así mesmo incide na importancia de non baixar a garda ante a pandemia e lembra a importancia de “manter as medidas de prevención”.