Na xornada de onte, luns 28 de decembro, o EREIM (Equipo de Rescate e Intervención en Montaña) de Trives realizaba un simulacro na neve, en plena Estación de Montaña Manzaneda, cuberta cun espeso manto branco. En concreto a práctica versou sobre o rescate dun sepultado por avalancha.
A misión do equipo de montaña é levar a cabo as funcións encomendadas á Gardia Civil nas zonas de montaña e de difícil acceso. Concretamente, rescate de persoas, Investigación de accidentes, Conservación da natureza, seguridade cidadá en instalacións deportivas de montaña, así como colaboración na prevención de accidentes e promoción da seguridade en montaña.