Xusto rematando o ano, o 30 de decembro, remataba a instalación dos aparatos dun novo parque biosaudable no Barco. Este novo espazo público de lecer está situado á altura do número 82 da avenida Manuel Quiroga.
O solar no que está situado este novo parque, cuns 176 metros cadrados, foi cedido de forma gratuíta ao Concello en novembro de 2019 por parte dos herdeiros de Julián Trincado. Ademais nese momento o Concello do Barco tamén anunciaba que nel se instalará un panel “recoñecendo a figura de Julián Trincado, o seu compromiso co Barco e a súa xenerosidade”.
Fotos: A.R.
