Lixeira baixada no número total de casos activos de Covid-19 en Valdeorras. A comarca rexistra neste mércores 13 de abril 95 positivos (actualizados ás 18h. de onte), o que supón 6 menos que onte, segundo os datos da Consellería de Sanidade.
Baixan os positivos no Barco con 53 (2 menos que onte), na Rúa con 16 (4 menos que onte) e en Vilamartín con 9 (2 menos que onte). En cambio, soben en Rubiá que ten 6 (2 máis que onte).
Os datos mantéñense igual que onte no Bolo con 5 positivos, en Carballeda con 2 positivos, en Larouco con outros 2 positivos e na Veiga con outros 2. Ademais, Petín continúa libre de coronavirus.
No relativo aos ingresos, o Hospital Público de Valdeorras rexistra 1 en planta con Covid, 1 menos que onte.