Na mañá deste xoves 7 de setembro comezaban as festas na honra a Santa María dos Remedios, en Larouco, co tradicional campionato de petanca no que participaban 16 persoas (8 dupletas).
O torneo disputábase ao longo da mañá e remataba cun merecido refresco no bar, resultando campioa a dupleta formada por Rogelio e Ricardo e subcampioa a formada por Dionisio e Darío.
Hoxe a verbena correrá por conta do trío Nostalgias a partir das 23 horas, seguida por unha festa de dj’s no bar da festa e mañá será o día grande coa procesión, misa e a orquestra Salsanera.
Fotos cedidas.