Cine e volvían ir da man na segunda actividade organizada pola Ruta do Viño de Valdeorras neste mes de xullo. Tras a proxección na pasada semana do documental “Covas de Valdeorras” no Casino do Barco, na noite deste venres a actividade trasladábase ata o adro da igrexa de Santo Estevo da Rúa e consistía nunha cata comentada titulada “Viños de película”.
A iniciativa estaba guiada pola enóloga Cecilia Fernández e por Cristina da Torre. No seu decurso ían descubrindo ata media ducia de viños detrás das historias cinematográficas, ofrecendo unha oportunidade única de degustar e aprender sobre os viños de Valdeorras nunha contorna histórica e cultural.
Comezábase con “Status”, nos que os filmes “Casablanca” ou “Marie Antoniette” combinábanse cun escumoso, o Brinde de Roandi. E a partir de aí viñan o Quinta da Peza, Bico do Lugar Godello, Sede e Fame de Virxe de Galir, Casal Novo merenzao ou A Cotarona brancellao, harmonizados con diversas películas.
Fotos e vídeo: O SIL.
