Moitos eran os premios que se repartían onte na Rúa trala celebración do 8º Gran Premio de Montaña-I Andaina Serra de Cereixido, organizado polo Club Atletismo Rúa. Aos tres primeiros (homes e mulleres) por categorías de idade (menos de 40, menos de 50, menos de 60 e maiores); clasificación xeral; e por equipos. E moitos deles levábaos o club valdeorrés Peña Trevinca Barco que participaba con 24 membros.
Levaron premios nas distintas categorías, Cristina (primeira clasificada na xeral), Carmen (segunda das mulleres), Ceferina, Elvira, Lucio (segundo na xeral), Carlos López, Carlos Vázquez e Moisés; sendo ademais o primeiro por equipos, seguido do Club Trabandainas e do Xistra.
Fotos: Mónica G. Bellver e cedidas.
