Suma e segue. Na mañá deste domingo 9 de febreiro o veterano valdeorrés Carlos López Gudiña (Andarines Arcos) participaba no XVII Medio Maratón Coruña21 que reunía a preto de 2.000 atletas á altura do Obelisco, no Cantón Grande.
O atleta de Arcos (Vilamartín de Valdeorras) completaba a distancia homologada de 21.097´50 metros nun tempo de 1:53:13, chegando á meta no posto 1.087 da xeral e no 29 da súa categoría (M60) no que participaban 88 corredores.
“Baixei o tempo con relación ao medio maratón de Getafe en case 2 minutos”, di Carlos moi contento, pensando xa na seguinte que será en León no mes de marzo. Antes, na vindeira fin de semana, participará no Quiroga Trail Challege.
