Na tarde do 2 de marzo, en pleno Domingo de Entroido, o CD Barco sumaba unha nova vitoria en casa. Algunhas categorías descansaban, pero non era o caso da Preferente Futgal na que militan O Barco e Umia, que se medían no campo de Calabagueiros.
Foi un partido con poucos goles, no que o disparo de Javi Pazos que non chegaba ata o minuto 75 valíalle aos locais para sumar os tres puntos en xogo.
Antes, no descanso, tal e como estaba previsto, os asistentes ao partido degustaban unha rica e quente tapa de favada por xentileza do club.
Con este resultado os valdeorreses volven liderar a clasificación con 46 puntos, empatado co segundo o Atios. A seguinte cita será no Xestal de Ribadavia contra o Atlético Arnoia.
Fotos: Julio Quintas / Alejandro Lorenzo.
