O Orfeón Trives despedirá o mes maio cantando en Asturias. O vindeiro sábado 31 de maio, participarán xunto a outras tres corais, no certame de habaneras e canción mariñeira “Añoranzas de Cudillero”, nesta localidade asturiana.
O certame celebrarase na igrexa de Cudillero ás 18 horas e contará coas actuacións da Agrupación Coral Amigos de Sabudo, Asociación Coral Voces del Bierzo, Coro Mixto “San Pedro” de Cudillero e o Orfeón Trivés que, baixo a dirección de Sandra González interpretarán catro temas: Bello ángel mío, harmonizada por Luis Olano Arias; Flores de amor; Blanca gaviota, musicalizada por Jorge Domingo; e Meu amor é mariñeiro.
