Por segundo ano consecutivo os alumnos de Formación Profesional do IES Lauro Olmo do Barco saían á rúa para amosar os diferentes ciclos formativos que oferta o instituto.
Así, na mañá deste xoves 29 de maio, a praza do Concello do Barco acollía a II Feira de FP do IES Lauro Olmo con stands dos diferentes ciclos: CB Peiteado e Cosmética; CB Mantemento de Vehículos; CM Instalacións Eléctricas e Automáticas; CM Electromecánica de Vehículos; CM Coidados Auxiliares de Enfermería; CM Atención a Persoas en Situación de Dependencia; CM Peiteado e Cosmética Capilar, CM Xestión Administrativa; CS Viticultura; e CS Administración e Finanzas. En cada un, tanto o profesorado como o propio alumnado atendían a todo aquel que se achegaba para obter información.
Tamén houbo demostracións prácticas dalgunhas das competencias que se adquiren na formación profesional como peiteados e prácticas sanitarias, expoñéndose ademais materiais e ferramentas empregadas en cada unha das especialidades.
Fotos e vídeo: Mónica G. Bellver.
