Os efectos do incendio chegan, irremediablemente, a todos os ámbitos incluído o deportivo. Por iso, o pasado venres día 15 de agosto, dende o Centro de Deportes Barco tomaban a decisión de suspender toda a actividade dos diferentes equipos, tanto partidos de pretempada que se xoguen na comarca (ata que a situación mellore), coma os adestramentos.
“Xa no só polo fume que cubre o noso val, senón por respecto, solidariedade e cariño a todas esas persoas que están sendo afectadas e que perderon gran parte da súa vida a causa das voraces chamas”, din dende o CD Barco, poñéndose a disposición de “calquera persoa que necesite a nosa axuda”.