Segunda cita deportiva do ano para os veteranos do Barco. Tras disputar un triangular no campo José Arjiz contra os veteranos do Verín e os de Chaves, os futbolistas barquenses recibían na tarde deste sábado 9 de maio aos veteranos de Lobios, nun amigable disputado no campo municipal de Calabagueiros que se saldaba co 4-0 no marcador. De árbitro exercía Carlos López Gudiña (Andarines Arcos).
Con este partido, a Asociación de Veteranos Barco (fundada como tal no ano 2005) devolvía a visita que facía en novembro do ano pasado a Lobios, onde disputaba un dos primeiros partidos tralo parón provocado pola pandemia no que moitos equipos de veteranos quedaban polo camiño, especialmente os que non estaban formalizados como asociación.
Fotos: Carlos G. Hervella.