Trives amosa a súa oferta de turismo activo na feira Sportur, en Ourense

O primeiro salón de turismo activo de Galicia, Sportur, poñíase en marcha na mañá do 17 de novembro no recinto de Expourense cun amplo abano de actividades promocionais e coa participación de máis dun cento de expositores, entre os que figuran os de concellos como A Pobra de Trives.

Ao longo desta fin de semana achegarán aos visitantes a súa oferta de actividades e recursos de turismo ligado ao deporte e á natureza. Tamén presenta nesta mostra a súa nova sinalización turística para achegar a veciños e visitantes da vila trivesa os recursos patrimoniais e culturais a través do móbil mediante un sistema denominado WebApp, sen necesidade de descargar nada co teléfono e en tres idiomas inicialmente (galego, español e inglés).