A 51 edición da Subida Automobilística a Chantada xa ten as súas datas definitivas nos calendarios da Real Federación Española de Automobilismo.
Os días sinalados para a celebración da tradicional carreira da Ribeira Sacra serán o 25, 26 e 27 de xullo, continuando así a tradición de disputarse en pleno verán, co aliciente que iso conleva para os visitantes e equipos participantes que se achegarán, un ano máis, ao corazón de Galicia para gozar da única cita galaica co certame nacional da modalidade.
