Co xa tradicional corte de bacelos inaugurábase de xeito oficial na tarde deste venres 22 de marzo a XLIV Feira do Viño de Amandi, que se celebra nesta fin de semana en Sober e coa se culmina un intenso programa do “Mes do Amandi”. A inauguración corría a cargo da Adega D’Fran, de Vilachá de Doade, en homenaxe ao seu fundador, José María Díaz Vázquez, quen faleceu en decembro aos 95 anos de idade.
O acto contaba coa presenza do conselleiro do Medio Rural en funcións, José González, do director da Axencia Galega da Calidade Alimentaria, José Luis Cabarcos, e do alcalde de Sober, Luis Fernández Guitián, así como do presidente do Consello Regulador da Denominación de Orixe Ribeira Sacra, Antonio Lombardía.
O conselleiro puxo en valor a calidade dos viños de Amandi en particular e da Ribeira Sacra en xeral, así como dos que se producen no conxunto de Galicia. Unha excelencia que, subliñou, “é froito do traballo e a profesionalidade de viticultores e adegueiros, agrupados nos consellos reguladores”.
Nesta mesma liña, José González valorou a ampla traxectoria desta celebración, que acada xa a súa edición número 44 e que, segundo trasladou, é un referente entre os eventos de exaltación do viño dentro e fóra da nosa comunidade,o conselleiro puxo en valor a calidade dos viños de Amandi en particular e da Ribeira Sacra en xeral, así como dos que se producen no conxunto de Galicia. Unha excelencia que, subliñou, “é froito do traballo e a profesionalidade de viticultores e adegueiros, agrupados nos consellos reguladores”.
Nesta edición da mostra o público poderá catar as referencias dun total de 22 adegas da Subzona de Amandi da Denominación de Orixe Ribeira Sacra. Tras o acto inaugural, que tiña lugar ás oito, a feira seguía coa actuación da Banda de Música Folk de Ribas de Sil e, xa ás dez e media, está previsto que toque a Charanga Festicultores Troupe.
O programa continuará mañá, 22 de marzo, coa apertura do recinto feiral ás 11h. Unha hora despois actuaba o Grupo de Música Tradicional Rechouchíos de Taboada, ás 17h. comezará a Precata Oficial. A música continuará ás 18:30 horas cun concerto da Banda de Música de Sober, logo ás 20h. soará a Charanga Louband de Sarria e ás 23h. actuará a banda Gin Tonic’s na Praza do Concello.
Adegas participantes na XLIV Feira do Viño de Amandi
A MAN DE PRADO BOLMENTE
ALGUEIRA FRANCOS-DOADE
BARBADO PROENDOS
CIVIDADE OUTEIRO-BOLMENTE
CRUCEIRO VILACHÁ-DOADE
DON BERNARDINO CIMA DE VILA-BROSMOS
ESTRELA VILACHÁ-DOADE
FINCA CUARTA OUTEIRO-PROENDOS
GUÍMARO SANMIL-BROSMOS
GULLUFRE A AIREXA-LOBIOS
LUCENZA CORVELLE-PROENDOS
MALCAVADA ROSENDE
MARCELINO I A CARQUEIXA-PROENDOS
PETRÓN DOADE
PROENCIA SANXILLAO-PROENDOS
RECTORAL DE AMANDI AMANDI
RECTORAL DE GUNDIVÓS A AIREXA-GUNDIVÓS
REGINA VIARUM DOADE
SOUTELO LAMAS-BULSO
TEAR SUAIREXA-FIGUEIROÁ
VAL DA LENDA CANTON-AMANDI
VIÑA FRIEIRA VILACHA-DOADE
VIÑA PEON O BARRIO-FIGUEIROÁ