EconomíaEconomíaÚltima hora

A diversidade turística da Estación de Montaña de Manzaneda promociónase en Intur, en Valladolid

 

Galicia consolida a súa proxección como destino para o turismo de inverno e de natureza coa recente participación da Estación de Montaña Manzaneda na Feira Internacional do Turismo de Interior de Valladolid INTUR 2026, integrada no espazo de promoción de Galicia, que permitiu dar a coñecer a diversidade da súa oferta turística.

Durante a cita, Manzaneda presentou as diferentes posibilidades que ofrece aos visitantes, máis alá da súa actividade vinculada á neve. A proposta inclúe actividades de montaña e multiaventura, campamentos, experiencias para familias e grupos, aloxamento e instalacións deportivas e de lecer, que permiten desfrutar da estación nas distintas épocas do ano.

A diversidade da súa oferta contribúe a ampliar as posibilidades de visita, atraer diferentes perfís de viaxeiros e favorecer a actividade turística e desestacionalizar a actividade económica da contorna.

 Manzaneda continúa avanzando na promoción da súa oferta nos principais encontros do sector turístico, co obxectivo de fortalecer a súa proxección no mercado nacional e xerar novas oportunidades de colaboración e comercialización.

Back to top button