A Asociación Huellas de Cabrera desprazábase o domingo 24 de setembro ata Somiedo (Asturias) para, dende o Alto da Farrapona, iniciar unha preciosa ruta de senderismo. Nesta marcha subíanse varios cumios de arredor duns 2000 m. “O primeiro era Peña La Braña, despois seguindo o cordal chegamos o pico Culmarce, o seguinte cumio eran as Coloradas para finalizar no cumio máis alto da xornada de 2.113 m de altitude O Pico Calabazosa”, explican os participantes.
Durante toda a ruta os camiñantes puideron gozar de vistas espectaculares “grazas o bo día que tivemos, chegando a ver incluso os Picos de Europa na lontananza. E máis preto As Ubiñas, Peña Orniz, Muria Brava, Os Bígaros, etc, pero, sobre todo, os Lagos de Saliencia( Calabazosa, Cerveriz, La Cueva…..). Unha bonita xornada entre amigos…”, conclúen.
Fotos: loispradaf.
