O concerto está previsto para as 14h. na praza José Otero da vila
Primeiro na procesión e despois nun concerto, a Banda de Música do Barco porá son á xornada central das Festas da Santa Rita no Barco. Así, acompañará coas súas melodías o percorrido da imaxe da santa polas rúas da vila a partires das 12h. do día 22 de maio.
Despois, ao rematar a misa, ofrecerá un concerto na céntrica praza José Otero. Comezará arredor das 14h. e nel os músicos, dirixidos por Manuel Prada, interpretarán un variado repertorio onde non faltarán pezas como pasodobres e bandas sonoras de filmes, ademais dalgunha que outra novidade.