Non é a primeira vez que logra unha fazaña deportiva pero non todos os clubs poden presumir de contar cunha veciña da talla de Elena Domínguez, a ultrafondista que vén de completar con éxito e cun tempo de 35,10 a Spartathlon (Grecia), unha proba de 246 kilómetros cun máximo de 36 horas.
Por iso dende o Centro de Deportes Barco, con Nilo Ramos á fronte, non querían perder a oportunidade de renderlle unha pequena e merecida homenaxe na tarde deste domingo 8 de outubro.
Tiña lugar sobre o céspede do campo de fútbol municipal de Calabagueiros, minutos antes do inicio do partido entre o CD Barco e o CD Velle. Entre os aplausos do público e dos propios xogadores, Elena recibía un ramo de flores e unha camiseta do 50º anicersario do CD Barco, antes de proceser a facer o saque de honra previo ao partido amosando o espírito do club barquense “o espírito con ADN VALDEORRAS”.
Fotos e vídeo: Mónica G. Bellver.
Máis información e fotos no seguinte enlace: https://osil.info/o-cd-barco-cae-pola-minima-ante-o-cd-velle-en-calabagueiros/
