Quedaba ás portas dos cuartos de final pero grazas á figura do “duelista”, a novidade desta edición, a barquense Emma López (representante de Ourense oriental) terá a posibilidade de reengancharse de novo ao concurso musical “Recantos”.
Para iso, regresará este venres 4 de xuño ao escenario do Luar, na TVG, onde cantará de novo. “Prometo dalo todo para que desfrutedes e ter o voso apoio unha vez máis”, asegura a propia Emma a través das redes sociais, por onde deberán votar os seus seguidores para lograr o seu regreso ao concurso.
Con respecto ás votacións, desta volta será só por Facebook, Twitter e WhatsApp e haberá que esperar o momento en que avise a propia Emma ou o comunique a presentadora, sendo igual que as veces anteriores. “E se podedes ao momento compartilo coa vosa xente estareivos eternamente agradecida, só teredes que entrar e poñer VotoEmma”, explica a cantante.
