Tal e como estaba previsto, neste outono a cantante e compositora Carolina Rubirosa, coñecida por versionar temas dos Beatles co grupo The Funkles, está a gravar en diferentes emprazamentos de Carballeda de Valdeorras, na contorna das canteiras, o videoclip promocional do seu tema “Terra de ninguén”.
Xunto a membros do seu equipo, Rubirosa xa visitaba esta zona a primeiros de setembro na procura de localizacións para realizar este traballo audiovisual. Xaime Miranda ocúpase de dirixir o videoclip e Iago Vilarinho, responsabilízase da fotografía.
