José Antonio Quiroga, presidente da Confederación Hidrográfica do Miño-Sil (CHMS), e o presidente do Padroado da Fundación Aquae Querquennae- Vía Nova, o profesor Antonio Rodríguez Colmenero, veñen de asinar o convenio que instrumenta a forma de colaboración entre as partes.
A Fundación Aquae Querquennae Via Nova destinará o importe da subvención incluída no orzamento 2023, 50.000 euros, fundamentalmente á escavación do edificio do Praetorium, residencia do mando superior da unidade militar establecida no campamento, para avanzar no estudo do urbanístico da época e obter máis elementos que definan as características do destacamento militar que alberga o xacemento.
O obxectivo desa fundación é protexer, estudar e promocionar o complexo arqueolóxico formado por un antigo campamento militar romano que ocupa parte do leito do encoro de As Conchas, zona de dominio público hidráulico, así como a calzada romana coñecida como Vía Nova, que unía as cidades de Braga, en Portugal, con Astorga, en León.
“Este organismo apoia economicamente na recuperación do valioso patrimonio natural e arqueolóxico situado no encoro de As Cunchas e realiza o control periódico das actuacións executadas en DPH” explicou Quiroga
