Neste 26 de xaneiro A Rúa convertíase na capital galega do campo a través. Multitude de atletas, boa partes deles da base, e clubs dábanse cita no circuíto do Aguillón para tomar a saída en ata cinco probas diferentes: o 24º Memorial Alejandro Lorenzo, o 15º Campionato de Galicia Sub16 individual e por clubs, no 30º/48 Campionato de Galicia Sub18 individual e por clubs e no 2º Campionato de Galicia de campo a través mixto por relevos.
O tempo acompañaba e había numeroso público seguinto as competicións. Entre eses espectadores estaba o presidente da Federación Galega de Atletismo (FGA), Isidoro Hornillos, que seguía as probas a pé de circuíto e facía un balance moi positivo desta xornada de atletismo, así como do esforzo organizativo realizado dende a Delegación Valdeorresa de Atletismo. Ademais agradecía o labor do Club Adas e do Atletismo Rúa, así como o apoio do Concello da Rúa.
O programa deportivo completábase coa entrega de premios, na que participaban, entre outras autoridades, o alcalde da Rúa, Álvaro Fernández.
Fotos: Carlos G. Hervella.
