O Consello Regulador da Denominación de Orixe Monterrei vén de anunciar que mañá 27 de agosto comeza a campaña de vendima no seu territorio amparado. A primeira adega en iniciar as tarefas de recollida de uva, neste 2023, será Francisco Pérez Diéguez situada na localidade de Mandín (Verín).
A de Monterrei é unha das cinco denominacións de orixe vinícolas galegas e abrangue os municipios de Verín, Monterrei, Vilardevós, Riós, Oímbra e Castrelo do Val. Está conformada por 28 adegas. Os viñedos desta denominación ocupan un total de 691 hectáreas de territorio nas que traballan 362 viticultores.