OurenseÚltima hora

A DXT incorpora un novo vehículo de vixilancia na provincia de Ourense

Emprégase para o control de determinados comportamentos en vías interurbanas

A DXT incorporou un novo vehículo de vixilancia na provincia de Ourense. Trátase dun vehículo tipo furgón cuxo obxectivo é o de “realizar labores de vixilancia e control de determinados comportamentos viais en vías interurbanas, sobre todo, distraccións motivadas polo uso do teléfono móbil”.

 

O vehículo de vixilancia con axentes da Garda Civil.

 

O novo vehículo de vixilancia atópase operativo na provincia de Ourense dende o mes de xuño. Durante este tempo os axentes formularon un total de 340 denuncias dende este furgón, correspondendo o 46,17% das mesmas ao uso de dispositivos de telefonía móbil durante a condución e o 10,88% ao non uso do cinto de seguridade.

Dende a DXT explican que “a altura do vehículo e do posto de condución da furgoneta permite que os axentes poidan detectar a condutores co teléfono móbil pegado á orella, así como a manipulación do mesmo nunha posición máis discreta, por exemplo, escribindo en aplicacións de mensaxería como Whatsapp. Igualmente facilita a detección deste tipo de comportamentos nos vehículos pesados como autobuses, tráilers, tractocamións ou vehículos mixtos”.

Artigos relacionados

Back to top button