Aseguraban estar “baixo os efectos dun meigallo” e por iso decidían repartir sopas de allo gratis entre os afeccionados que asistisen ao CD Barco-CD Allariz previsto para a tarde deste domingo 28 de xaneiro e o resultado non pudo ser máis positivo.
Non sabemos se foron os allos ou a incorporación do novo dianteiro, Gonzalo que marcaba ata en tres ocasións, pero o CD Barco vencía con contundencia aos alaricanos co 4-1 e tres puntos de ouro. O primeiro gol da nova fichaxe chegaba no minuto 29 e volvía marcar no 42′, marchando para vestiario co 2-0 no marcador. Na segunda parte, máis do mesmo, dominio dos de Lino Estévez que anotaban un novo tanto ao marcar o Allariz en propia meta. O terceiro gol de Gonzalo chegaba no minuto 84, selando unha inmellorable estrea en Calabagueiros.
Tras unha derrota e tres empates seguidos, esta vitoria dá folgos ao CD Barco para seguir loitando. A seguinte cita será no campo do Porriño Industrial.
Fotos: Julio Quintas.