Como cada 12 de outubro (a excepción dos dous da pandemia) a Garda Civil do Barco de Valdeorras honra hoxe á súa patroa, a Virxe do Pilar. Ás 12:30 horas celebraba na igrexa de Santa Rita no Barco unha misa, oficiada polo párroco Jesús Álvarez Álvarez e cantada polo coro de San Mauro.
Entre os asistentes a esta celebración relixiosa estaban diversos concelleiros do Barco, ademais do alcalde, Alfredo García, así como outros representantes das forzas de seguridade como a Policía Local e a Nacional, e numerosos civís.
Antes de comezar a eurcaristía, dúas axentes, precedidas por unha nena coa bandeira, facían a ofrenda floral no altar diante do Cristo.
Fotos: Carlos G. Hervella.